ملك خطايده دار السلطنة اولان خانبالغد نغيرى نقدر علوفه خود لشكرى وارايسه هر صباح بكلرى ايله اهن و پولاده مستغرق اولوب و تمام الات و اسباب حربله اراسته و مزين اوله رق معين اولان ايوان ميداننه حاضر اولورلر و ايكى صف چكوب شويله كه ايكى دشمن بربرينه مقابل اولدقده نعره‌لر اوروب الات حربى نيجه عمله كتوررلر ايسه بونلردخى بربرلرينه جان ستانانه حمله ايله جنك ايدرك برى برلرينه اتدن يقوب بند و اسير ايدرلر همان قتله قصد ايتمزلر چايكسوار دلاور لكلرى ظاهر اولان ترقيلر و زياده مرتبه‌لر و يررلر و تعليم حرب تمام اولد قد نصكره اسير لرك بندك كشاد ايدرلر و بو مابيننده شكسته و زحمدار اولمقدن پاك ايتمزلر زيرا بينلرنده عيب دكلدر و شويله ملاحظه اولنه كه روى زمينده خطا عسكرى كبى چشت و چاپك و سلاحشور و دلير و دلاور بر طائفه يوقدر اسلوب مذكور اوزره اولان جنك و قتالى اويون عد ايدوب هركون حاللرى بو منوال و زره در و زحمدار اولنلرك ياره‌لرى ايواولنجه اويونه كيرميوب بعده‌ينه حاضر اولورلر جمله سيكه يتمش قبيله در هركون ورزشلرى بو طرز اوزره در و لشكر كشلكده ضبط و ربطلرى بر مرتبه ده در كه بر مناعت بخوميده اللى بيك عسكر جميع سلاح حربله اراسته سوار اولوب حاضر اولورلر باعث و داعى اولدر كه هركون اسلوب مذكور اوزره ميداندن خانه‌لرينه كلدكلرنده سلاحلرينى چپقادوب اتلرينى طويله لرينه باغلدقد نصكره ديوان اسبابلرينى كيوب پياده اوله دق بكلرينك قيوسنه كلوب روز و شب تعيين اولنان خدمتلرنده حاضر اولورلر مادر دكللر در كه بر ساعت تأخير ايده‌لر معلوم دكلدر كه بو نجلين لشكر كشلك و عدو كشلك ده قواعد و قانونلرينى حفظ و حراستده خطا قومى كبى بر طائفه اوله بلا تشبيه اسلام شريعتى بويله رعايت ايلسه‌لر عنايت باريله جمله‌سى بلاشك اهل ولايت اولورلردى بيت رعيت نوازى و سرلشكرى * نه كاريست بازيچهء سرسرى و خانبالغده هر سحر ديوانخانه ده حاضر و واقع اولان اموره ناظر اولورلر و بلاعذر بركون تركنه قادر اوله مزلر و ترتيب و قاعدهء ديوان خاقان محلنده ذكر اولنور و جمله ممالك خطاده هيچ بر شهر و حصار يوقدر كه بشبيك اون بيك يكرمى بيك و يا اوتوز قرق بيك و الحاصل اللى بش بيك اكثرى اللى بيك عسكردن خالى اوله و ذكر اولنان عساكره امر اولنسه بر ساعت نجوميده الات و ادوات حربله اراسته و پيراسته سوار اولوب حاضر اولمغه مقتدرلر در و سير و شكار مطلق قانونلرى دكلدر و علامات و مراتب